ការសិក្សាអំពីលទ្ធភាពរបស់ក្រុមហ៊ុន Toyota លើការរុះរើរថយន្ត End-of-Life Vehicle (ELV) នៅក្នុងប្រទេសថៃ បានចាប់ផ្តើមហើយ។

កម្មវិធី Toyota’s Environmental Challenge 2050  រួមបញ្ចូលនូវបញ្ហាប្រឈមនៃការបង្កើតសមាគម និងប្រព័ន្ធកែច្នៃ ដែលរថយន្ត End-of-Life Vehicle (ELV) អាចត្រូវបានកែច្នៃឱ្យបានត្រឹមត្រូវជាមួយនឹងវត្ថុធាតុដើមបន្ទាប់មកយកប្រើដើម្បីបង្កើតរថយន្តថ្មី។ នេះគឺមានសារៈសំខាន់ណាស់ក្នុងការបំពេញតម្រូវការនៃអត្រាកើនឡើងនៃការប្រើប្រាស់ធនធានធម្មជាតិនៅលើពិភពលោកក្នុងពេលដែលកាត់បន្ថយការបំពុលបរិស្ថាន។

ដើម្បីសម្រេចគោលបំណងរបស់យើងត្រឹមឆ្នាំ 2050 ក្រុមហ៊ុន Toyota បានធ្វើការយ៉ាងជិតស្និទ្ធជាមួយរដ្ឋាភិបាលថៃ និងក្រុមហ៊ុន DOWA នៅក្នុងប្រទេសថៃ ដោយធ្វើសន្និសីទសារព័ត៌មានរួមគ្នាមួយ ដើម្បីប្រកាសអំពីការចាប់ផ្តើមការសិក្សាលទ្ធភាពលើគម្រោង”End-of-Life Vehicle Green Recycling Project in Thailand”។

បច្ចុប្បន្នមិនមានច្បាប់ស្តីពីការគ្រប់គ្រងត្រឹមត្រូវ និងការកែច្នៃរថយន្ត ELVs ឡើងវិញនៅក្នុងប្រទេសថៃ។ បរិក្ខារបែបនេះក៏មិនមានវត្តមាននៅក្នុងទ្រង់ទ្រាយធំទោះបីជាទីផ្សាររថយន្តកំពុងពង្រីកក៏ដោយ។ កិច្ចខិតខំប្រឹងប្រែងរួមគ្នារវាងរដ្ឋាភិបាលថៃ និងស្ថាប័នវិស័យឯកជននៅក្នុងប្រទេសនេះសម្លឹងមើលធ្វើឲ្យប្រទេសថៃឈានមុខគេក្នុងការបង្កើតក្របខ័ណ្ឌ ELV និងបច្ចេកវិទ្យាដែលអាចអនុវត្តបាននៅទូទាំងពិភពលោក។

ក្នុងនាមជាក្រុមហ៊ុនផលិតរថយន្តដំបូងគេបង្អស់នៅលើពិភពលោកដើម្បីផ្តួចផ្តើមរុះរើ  និងកែច្នៃឡើងវិញនូវ  ELV  គម្រោង “Toyota Metal” ត្រូវបានឧទ្ទេសនាមជាលើកដំបូងនៅក្នុងប្រទេសជប៉ុន នៅដើមឆ្នាំ 1970។ តាមរយៈការបង្កើតគម្រោង “Toyota Global 100 Dismantlers project” ក្នុងគោលដៅមានរោងចក្រកែច្នៃ ELV ត្រឹមត្រូវចំនួនប្រាំពីរកន្លែង និងជាមួយគោលបំណងរយៈពេលនៃការមាន 100​ ទីតាំងទូទាំងពិភពលោកត្រឹមឆ្នាំ 2050។ ក្រុមហ៊ុន Toyota មានបំណងប្រើប្រាស់ជំនាញរបស់ខ្លួនដើម្បីកែលម្អ និងដាក់បញ្ចូលឡើងវិញនូវសម្ភារកែច្នៃពី ELVs ចូលទៅក្នុងសង្គមប្រើប្រាស់វិញ ដោយមិនចាំបាច់ដាក់ផលប៉ះពាល់ដល់បរិស្ថានក្នុងតំបន់។

គម្រោង ELV ដំបូងរបស់ Toyota នៅខាងក្រៅប្រទេសជប៉ុនត្រូវបានបង្កើតឡើងនៅប្រទេសចិននៅក្នុងឆ្នាំ 2014។ ជាមួយនឹងប្រទេសថៃកំពុងសម្លឹងមើលការចូលរួមជាប្រទេសទីពីរក្នុងពិភពលោក និងជាប្រទេសទីមួយនៅក្នុងតំបន់អាស៊ានដើម្បីរុះរើ ELVs ឱ្យបានត្រឹមត្រូវ។ នៅខែមេសា ឆ្នាំ 2017 Toyota បានចាប់ផ្តើមធ្វើការជាមួយរដ្ឋាភិបាលថៃ និងវិស័យឯកជនដើម្បីបង្កើតកម្លាំងការងារកែច្នៃ ELV ដោយសហការជាមួយរដ្ឋាភិបាលថៃ និងក្រុមហ៊ុន DOWA។ រយៈពេលនៃការសិក្សាពីលទ្ធភាពចាប់ពីខែមេសាឆ្នាំ 2017 ដល់ខែកុម្ភៈឆ្នាំ 2018 នឹងឃើញរថយន្តគំរូ 20 គ្រឿងរុះរើជារៀងរាល់ខែ ហើយឧស្សាហកម្ម ELV នៅប្រទេសថៃនឹងត្រូវបានសិក្សាជាមួយរដ្ឋាភិបាលក្នុងរយៈពេលអនុវត្តគម្រោង។

ចាប់តាំងពីខែវិច្ឆិកាឆ្នាំ 2017 ការសាកល្បងផ្តោតទៅលើប្រតិបត្ដិការរុះរើដូចជាការស្រូបយកឧស្ម័នផ្ទះកញ្ចក់ដូចជា CFCs, HFCs និងសារធាតុគ្រោះថ្នាក់ដទៃទៀតដូចជាពោងខ្យល់ និងប្រេងរំអិលពី ELVs បានចាប់ផ្តើមហើយ។ ក្រុមហ៊ុន Green Metals (Thailand) Co. Ltd កំពុងផ្តោតលើការងើបឡើងវិញនៃឧស្ម័ន និងវត្ថុធាតុគ្រោះថ្នាក់ដូចដែលបានលើកឡើងខាងលើ ខណៈក្រុមហ៊ុន Bangpo Environmental Complex Co. Ltd. (DOWA Group) បានទទួលខុសត្រូវលើដំណើរការរុះរើ និងចាត់ចែងគ្រឿងបន្លាស់កែច្នៃ។

ជាមួយនឹងបទពិសោធន៍ជាង 40 ឆ្នាំរវាងក្រុមហ៊ុន Toyota និងក្រុមហ៊ុន DOWA Group យើងនឹងបន្តសិក្សានិងអភិវឌ្ឍបច្ចេកវិទ្យាថ្មីៗកាន់តែប្រសើរឡើង។ តាមរយៈរោងចក្ររុះរើរថយន្តដំបូងគេនៅប្រទេសថៃ នៅពេលយើងខិតខំឆ្ពោះទៅរកគោលដៅរបស់យើងដើម្បីអនុវត្តកម្មវិធី Toyota’s Environmental Challenge 2050។